"AVANTE", AFILIADOS E SIMPATIZANTES

É tempo de campaña, tempo de venderse a toda costa. Nesta última semana, todos os focegos/as puidemos comprobar ata onde son capaces de chegar os nosos políticos para conseguir o ansiado voto.


Esta semana, todos recibimos nas nosas casas cartas, voceiros, escritos, etc.


O primeiro foi Castiñeira, insultándonos a todos nada máis comezar a carta, dirixíndose a nós textualmente como "AFILIADOS E SIMPATIZANTES".


Castiñeira... as cartas que empezan por  querido simpatizante, mándallas a Saá, mándallas a Feijoó, e mándallas a todos os que  financian esa SUPERcampaña con ese SUPERrproxecto de SUPERporto co que demostraches no debate que eres un SUPERincompetente.


Pero a min, e a todos os focegos e focegas que me fixeron chegar este rogo, non nos insultes, e antes  de tratarnos de SIMPATIZANTES, date un paseo polas parroquias que tanto defendes, porque non se che ve pelo, ainda que paradoxicamente, de pelo, vaias sobrado.




Recibimos tamén a cuarta edición do "VOCEIRO AVANTE", do BNG.
Xa foi casualidade que este cuarto volume se editase unha semana antes das eleccións, pero entre a casualidade e a risa, quédome coa segunda.


Quédome coa risa porque, é o señor Basanta o que neste voceiro fai mostra da súa falta de dignidade política, cando se atreve a  mencionar o mal estado das parroquias.


Señor Basanta: Vostede e o seu partido son, ó igual que o candidato Castiñeira, dous insistentes visitantes e apoloxistas das nosas parroquias. Si, si!! Non estou utilizando para nada a ironía.


O BNG sempre se interesou polo bó funcionamento das parroquias. Dou fé.


¿¿OU XA NON RECORDAMOS CANDO, NA PARROQUIA DE FAZOURO, DONA MARÍA JOSÉ ALONSO E DON MIGUEL, ALIAS REYCO CARRETABAN ÓS VELLIÑOS CARA AS FURNAS, CON CADANSEU SOBRE DEBAIXO DO BRAZO??


Resulta noxento, que sexa este partido o que mais nos fale de democracia, de transparencia e de humiladade, pero tranquilos, que as verdades acaban sabéndose.


Moitas gracias.




PD: Basanta, espero que con este artigo non te me enfades, xa que non resultaría agradable volver recibir ameazas dende o FACEBOOK do teu partido, como xa recibira fai tempo. Supoño que agora que alardeades de sentido común e de humildade xa non vos dedicaredes a iso. Moitas gracias.